Custom Locale

24 An Lùnastal 2013 rianaire 5614 Views 0 Comments Android

Chan eil seo ag obair tuilleadh ann an Android 4.2 no tionndaidhean nas ùire dheth (chuir Android casg air) gu mì-fhortanach. Tha mi a’ dèanamh mo dhìcheall airson fuasgladh fhaighinn air ach bidh seo greis mhath.

Mas e fòn Android a tha agad, ’s mathaid gum bi duilgheadasan agad innse dhan fhòn gu bheil thu ag iarraidh bathar-bog seo no sin sa Ghàidhlig (no cànan eile) nach eil air liosta nan cànan mòra aig Android. ’S e rud air a bheil force locale a tha coireach as. ’S e sin gleus a bheir air bathar-bog sam bith nochdadh ann an cànan an t-siostaim-obrachaidh. Beurla mar is trice. Canaidh an luchd-leasachaidh feature ris ach ’s e mac an ànraidh a tha ann dha na cànain bheaga.

Co-dhiù, tha fuasgladh ann. ’S urrainn dhut rud fhaighinn air Android a chuireas riochd mas-fhìor Gàidhlig air an fhòn. Tha sin a’ ciallachadh gum faic thu Gàidhlig ma tha Gàidhlig ri fhaighinn (mar eisimpleir Opera Mini)

Seo na tha agad ri dhèanamh. Tadhail air dha Google Play ’s faigh an aplacaid Custom Locale le InKa is stàlaich e. Fosgail Custom Locale ’s chì thu rud mar seo (ma tha thu ann am Breatainn):

Thoir gnogag air Custom agus Add custom locale an uairsin:

Tha liosta de chànain is dùthchannan ann ach ’s e liosta fhada a tha ann, tha e nas luaithe na leanas a chur a-steach:

gd = Gàidhlig, GB = Breatainn. Ma tha thu sna Stàitean, cuir US an àite sin, CA airson Canada, AU airson Astràilia ’s mar sin air adhart. Chì thu an sgrìn seo ’s feumaidh tu gnogaf a thoirt air gd_GB: